ZeLT, n acronim te de plu rujenedes che fej referimënt a na “tënda” per tudësch, ie l inuem programatich dl Zenter europeich per leteratura y traduzion cun sënta a Persenon/ tl Südtirol/ tla Talia.
Da ZeLT vën la leteratura y si fazion sun la sozietà y politica nrescides, scrites, lietes, ciancedes y reprejentedes sëura i cunfins dla rujenedes ora y te na maniera interdisciplinera.
Nëus credon tla forza resistënta dla rujeneda adurveda cun cuscienza, dla poejia y dla stories cuntedes deberieda.
Pruzesc democratics se damanda la capazità de pensé tl plurel y de arbanduné la tierafërma de nosta cunvinzions.
Nëus giaurion y stravardon lueges per cunté, scrì, liejer y nterpreté tesć leterers de duta la rujenedes y cultures.
Da ZeLT vën leteratura vivuda y partida coche pratiga y esperimënt.
Coche cumëmbra urdinera / cumëmber urdiner ne sustenies la lia nia mé tres ti cuntribut anuel fis (30,- Euro), ma te es nce l dërt de partezipazion, per ejëmpl dala veles o da dezijions mpurtantes dla senteda generela. Te es la puscibltà de fé pea ativamënter (ancuntedes, open calls) y de sustenì la ativiteies dla lia tres l lëur de ulentariat.
Te ulësses sustenì nosta lia zënza fé pea ativamënter dala scumenciadives? Pona ie la iscrizion ZeLT friend l drët per té.
Coche ZeLT friend desmostres solidarità cun ti firma o/y nes sustënies cun n cuntribut che te posses crì ora. Te es dërt de vela tla senteda generela ma ne posses nia unì liteda / lità ti urgans dla lia.
Scrì ora l formuler tlo dessot, chier ora la forma de cumembranza y druca sun “mandé demez”. Nëus ti cialon a ti dumanda y te mandon tosc na e-mail de bënunì. Iló giates duta la nfurmazions n con’ de ti cumembranza y dl paiamënt dl cuntribut anuel de cumembranza.
